केही समय अगाडी मेरो भेट एक व्यक्तिसँग भयो । उनी कलेज पठाउने एक शिक्षक पनि हुन् । आफ्नै कलेजको शिक्षक भएपनि मेरो विषय नपढाउने र कलेजका शिक्षकहरुमध्ये कान्छो भएकाले पनि मलाई बोल्न सहज हुन्थ्यो । हामी फेसबुके साथी । एउटा पत्रमा मबाट एक पत्रकार दाजु नराम्रो पात्र बनेपनि उक्त सरलाई भने सकारात्मक रुपमा नै लिन सक्छु । सायद सधैभरी । खाली समय हुँदा साथीहरुसँग च्याटीन मन पराउने म उक्त सरसँग पनि बोलेकी छु ।

तेरो व्वाइफ्रेन्ड छ कि छैन ? के तँ अझै कुमारी छस् ? हैट ! मलाई त कुमारी केटी मन पर्दैनन् । उसको बोल्ने शैली गज्जब लाग्थ्यो । म मनमनै सोच्थेँ, यसैले केटाहरु व्यवहार गर्न सहज हुन्छन् । प्रायः सम्मानलायक नै हुन्छन् । किनकी उनीहरुमा खुलेर बोल्ने र काम गर्ने संस्कार छ । प्राय लाज नलाग्नु र लागेको कुरा व्यक्त गरीहाल्नुपनि सायद पुरुषार्थ हो ।

उनी यसरी खुल्दै गएकी कतिकतिबेला त म ट्वाँ परीरहेको हुन्थेँ । जवान केटीमा हुने अपार यौनइच्छाका बारेमा पनि कुरा गरे सरले । नम्रता श्रेष्ठलाई सुन्दर, इमान्दार र सही भने । सन्नी लियोनलाई शुन्दर भने । सम्भोग नराम्रो हैन भन्दै उनले यसको शब्दार्थ पनि भन्न भ्याए, बराबरी भोग गर्नु । मैले पहिलो पटक यसरी शब्दार्थ सुनेँ । पत्रकार भएकाले म शंसकीत पनि थिए, यिनी मेरो केही गोपनीयता जान्न चाहदैछन् । केही समय अघि उनले भनेका पनि थिए, म किताब लेख्दैछु । सायद लेखीरहेको कितावको पात्रले पनि उनलाई मसँग केही अफ्ट्यारा कुरा पनि रिसाउनै नमिल्ने पाराले सरल शैलीमा खोल्न उत्प्रेरीत गरीरहेको थियो । यस्तो पनि लाग्थ्यो, मानौ उनी अन्वेषक हुन् र ममा केही अध्ययन गरीरहेछन् । पापी मन, नराम्रै पनि सोचिसक्थेँ । तर नराम्रो सोच्नु आवश्यकता नै थिएन । उनले के नै हानी गरेका थिए र मेरो ? बरु आफ्ना अनुभव सुनाएर नयाँ कुरा पस्कदै थिए । नराम्रै कुरा भएपनि फिल्टर गरेर सोच्नु मेरो काम हो । यसले जटिल कुरा पनि सहज रुपमा लिन मद्दत गथ्र्यो र जीवन सरल लाग्थ्यो । अपेक्षाको आभाष पाएर मैले आफ्नो सफाइ दिएँ, म युवती भएको नाताले तपाईका कुराप्रती सकारात्मक छु तर विवाहपूर्व मलाई त्यता ध्यान नदिन सके राम्रो लाग्छ । पुनः भनेँ, सानो छँदा, ममाथी भएको बाल दुव्र्यवहारले पनि स्वतः त्यस्ता क्रियाकलापप्रती संलग्नता हुने इच्छा हुदै भएन, छैन र सायद हुदैन पनि, अनी मनमनै पुकार्थेँ नहोस् पनि । किनकी म सधै साधिका हुन चाहन्छु र बुद्ध प्रभावित व्यक्ती ।